Virðing sinnir virkri eignastýringu og eru viðmiðunarvísitölur valdar sérstaklega í samráði við hvern og einn viðskiptavin. Markmið eignastýringar eru að safnið í stýringu skili hærri ávöxtun en viðmiðunarvísitalan án þess að áhætta safnsins sé aukin að ráði. Eignasamsetning verðbréfasafnsins er í stöðugri endurskoðun í takti við breytilegan markað en innan ramma þeirrar fjárfestingarstefnu sem hver og einn viðskiptavinur hefur sett sér.

Virðing stýrir fjölbreyttum eignastýringarsöfnum fyrir viðskiptavini sína. Eignastýring Virðingar sér um stýringu á innlendum hlutabréfasöfnum, innlendum skuldabréfasöfnum ásamt stýringu á norrænum hlutabréfum. Einnig hefur Virðing komið að gjaldeyrisstýringu fyrir viðskiptavini sína ásamt víðtækri áhættustýringu á heildarsafni lífeyrissjóða.