Eftir að Kauphöll Íslands sameinaðist OMX hefur Virðing litið á OMX kauphöllina sem sinn heimamarkað og haft milligöngu um miðlun fyrir viðskiptavini sína í henni. Miðlun Virðingar getur einnig haft milligöngu um viðskipti í öðrum kauphöllum.

Kauphöll Íslands hefur eftirlit með því að útgefendur skráðra verðbréfa og kauphallaraðilar fylgi þeim lögum og reglum sem gilda um markaðinn. Kauphöll Íslands er skipulagður verðbréfamarkaður, þar sem opinber skráning verðbréfa fer fram svo og viðskipti með þau. Í því skyni rekur Kauphöllin rafrænt viðskiptakerfi (SAXESS), þar sem tilboð í verðbréf eru sett fram í tilboðabók.